Svona er staðan í íslandsmeistaramótinu í torfæru eftir 3 umferðir.

Við viljum minna menn á keppnir helgarinnar sem eru Rallý á vegum BÍKR og torfæra á vegum Flugbjörgunarsveitarinnar á Hellu.

Frekari upplýsingar um rallið má finna á vef bikr.is

Stutt myndskeið frá síðustu torfæru fylgir hér

Nú er hafin uppsetning á reglum og fleiri uppfærslum á vef Akstursíþróttanefnda ÍSÍ/LÍA.  Uppfært dagatal er komið ásamt verðskrá, reglum FIA um veltibúr ásamt grunnreglum FIA úr International Sporting Code.  Næst koma uppfærðar keppnisreglur fyrir hverja grein.

Ákveðið hefur verið að nefna þennan kafla á vefnum Reglur "Hjalti" til minningar um félaga okkar og helsta reglufræðing akstursíþrótta til fjölda ára, Hjalta E. Hafsteinsson, en hann lést á síðasta ári.  Hjalti átti stóran þátt í allri reglusmíði, þýðingum og útfærslum á reglum í öllum greinum akstursíþrótta og var hafsjór fróðleiks í því efni.  Hann var einnig ævinlega fús til að að aðstoða menn í sambandi við reglur og túlkun þeirra.  Það er því við hæfi að vitna til hans þegar reglur í akstursíþróttum eru til umfjöllunar.  Þess vegna getum við alltaf vitnað til "Hjalta" í sambandi við reglur.

Keppnisdagatal Akstursíþróttanefndar ÍSÍ/LÍA er nú tilbúið og uppkast birt hér með.  Ætlunin er að birta endanlega útgáfu 1. febrúar næstkomandi.  Þess er því óskað, að athugasemdum verði komið á framfæri fyrir þann tíma.

Dagatal 2010

Dagatalið er í PDF formi og þarf Adobe Reader til að opna það. Adobe reader má sækja hér. 

http://www.reglugerd.is/interpro/dkm/WebGuard.nsf/key2/507-2007

Hér er að finna reglugerðina sem unnið er eftir.

1. Björgunarbíll, sérstaklega ætlaður til flutnings á tækjum.
2. Nægilegur fjöldi slökkvitækja ásamt mannskap á þau.
3. Sjúkragögn og menn til að veita fyrstu hjálp.
4. 2 - 3 menn í hópum til að ná keppendum úr bílum.
5. Eldtefjandi fatnaður á mennina í 4. lið.
6. Vinnuhanskar á alla.
7. Vasahnífar í hvern hóp.
8. Flaggarar skv. keppnisreglum.
   

1. Flaggarar gefi öðrum keppendum þegar merki skv. reglum.
2. Björgunarmenn, slökkvitækjamenn og fyrsta hjálp hraði sér strax á staðinn. Þeir skulu gæta sín á öðrum keppendum.
3. Aðrir starfsmenn gæti þess strax að áhorfendum, aðstoðarmönnum og öðrum sé haldið frá staðnum
4. Þulur og keppnisstjóri fylgist grant með því sem gerist.
5. Björgunarmenn gangi úr skugga um að öryggisrofi keppnistækis hafi verið sleginn út og athugi ástand ökumanns. Sé hann ómeiddur skal allt kapp lagt á að koma honum úr bílnum og frá brautinni. Sé grunur um meiðsli, skal strax kalla til fyrstu hjálp og sjúkrabíl. Varast skal öll upphróp og læti, en nota fyrirfram ákveðin merki. Slökkvimenn einbeita sér að því að koma veg fyrir eld.
6. Athuga ástand ökumanns með tilliti til losts og heilahristings.

1. Keppnin skal tafarlaust stöðvuð.
2. Keppnisstjóri boði til lögreglu og sjúkralið, einnig Rannsóknarlögreguna sé um banaslys að ræða.
3. Keppnisstjóri setji sig strax í samband við stjórn LÍA eftir þeim leiðum er getið er um í keppnisleyfi.
4. Keppnisstjóri ásamt LÍA ákveða í sameiningu framhald allra mála.
5. Varast skal öll upphróp og læti, en nota fyrirfram ákveðin merki.

Eftirtaldir yfirmenn skulu vera til staðar:

1. Keppnisstjóri hefur alla yfirstjórn á svæðinu og skulu allir að lúta valdi hans.
2. Ritari sér um alla útreikninga og tímatöku varðandi framgang keppninnar og úrslit.
3. Brautastjóri skal sjá um alla stjórn við brautina svo sem ræsingu, endamark, pittsvæði,flaggara og aðstoðarfólk á svæðinu.
   
4. Þulur skal sjá áhorfendum og keppendum fyrir almennum upplýsingum meðan á keppni stendur. Jafnframt skal sjá til þess að hátalarakerfi sé á staðnum í tíma.
5. Skoðunarmenn eru skipaðir af LÍA og skal yfirskoðunarmaður jafnframt vera öryggisfulltrúi LÍA. Þeir sjá um skoðun skv. reglum.
6. Dómnefnd þriggja manna skal skipuð í öllum keppnum. Aðilar dómnefndar skulu vera frá LÍA, keppnishaldara og öðrum klúbb.

Umsóknir og leyfi:
Umsóknir um keppnir skulu hafa borist LÍA amk. 2 vikum fyrir keppni. Í keppnisumsókn skal tilgreina staðsetningu, tímasetningu, keppnisreglur og breytingar, auk nákvæmrar dagskrár keppninnar. Í dagskrá skulu koma fram allar tímáætlanir svo sem þátttökufrestir, skoðun, ræsing, hlé og áætluð lok keppni, auk lýsingar á öllum aukaatriðum og skemmtunum sem boðið verður upp á. Einnig skal tilgreina í dagskrá keppninnar nöfn þeirra forsvarsmanna sem
taldir eru upp hér að ofan auk dómnefndar. Þáttökulisti með upplýsingum um keppendur og ökutæki skal skila til LÍA strax og hann liggur fyrir. Með keppnisumsókn skal auk þess fylgja leyfi landeiganda eða umráðaaðila viðkomandi keppnissvæðis. Keppnisstjóri skal sjá til þess að öll leyfi frá yfirvöldum viðkomandi svæðis, tryggingar og leyfi landeigenda séu fyrirliggjandi amk. viku fyrir keppni. Fulltrúi LÍA í dómnefnd keppninnar gefur út endanlegt keppnisleyfi. Sé þessum skilyrðum ekki fullnægt innan tilskilins tíma verður keppnisleyfi ekki gefið út. Gengið skal frá tryggingu vegna keppni með amk. viku fyrirvara. Ógreiddar tryggingar frá fyrri keppnum leiða til sviptingar á keppnisleyfi. Allar brautarkeppnir skulu haldnar skv. reglum LÍA og FIA (FIM). Allar breytingar á reglum eru háðar samþykki LÍA. Keppnisstjóri skal sjá til þess að vakthafandi lögreglumenn hafi dagskrá keppninnar, svo og að upplýsingar um allar breytingar og atvik er upp kunna að koma berist þeim.

Meðan á keppni stendur þurfa eftirtalin atriði að vera fyrir hendi á keppnisstað:

1. Sjúkrabifreið. (Hjálparsveit, læknir.)
2. Nægilega mörg slökkvitæki. (Í lagi)
3. Merkjaflögg skv. reglum.
4. Dráttarbíll.
5. Björgunarbíll með öryggisbúnaði og mannskap.
6. Talstöðvar, og/eða annað samband við rásmark og pitt.
7. Aðstoðarfólk og flaggarar.
8. Sími og/eða talstöðvarsamband vegna boðunar í slysatilfelli.
9. Viðunandi hátalarakerfi vegna áhorfenda og pittsvæðis.
10. Merkingar á starfsfólk.
11. Afmörkuð svæði fyrir áhorfendur.
    

Þess skal ávallt gætt, að áhorfendur og aðrir séu ekki við varasama staði nálægt brautinni. Fólk má aldrei standa utan í beygjum eða lægra en brautin heldur á þar til gerðum áhorfendasvæðum. Áhorfendur eiga ekki að vera í pittsvæðum, nema sérstaklega sé gert ráð fyrir því. Áður en keppni hefst, skal dómnefnd keppninnar og eftirlitsaðili LÍA ganga úr skugga um að öll ofantalin skilyrði hafi verið uppfyllt og allar öryggiskröfur sem upp eru taldar hafi verið frágengnar. Dómnefnd og/eða lögregla geta stöðvað keppni hvenær sem er, telji þeir einhverju ábótavant. Tímasett heildarúrslit skulu hengd upp á upplýsingatöflu keppnisstjórnar og tilkynnt keppendum strax og þau liggja fyrir, þau skulu birt yfir stöðu keppenda yfir heildina og í öllum flokkum. Lokaúrslit skulu undirrituð af keppnisstjóra og afhent fulltrúa LÍA í dómnefnd. Keppnisstjóri, öryggisfulltrúi og dómnefnd keppninnar skulu skila skriflegri skýrslu um keppnina til LÍA. Alvarleg og ítrekuð vanhöld og brot við stjórnun og framkvæmd keppna af hálfu keppnishaldara geta leitt til viðurlaga svo sem áminninga, fjársekta og sviptingar á leyfi til að halda keppni til lengri eða skemmri tíma. Dómnefnd hverrar keppni skal tilkynna stjórn LÍA ef um slæm og ítrekuð brot er að ræða.